Preocupación pola utilización de nenos soldado no conflito de Sudán do Sur

UNICEF expresou hoxe a súa profunda preocupación polo uso de nenos soldado no conflito armado que ten lugar en Sudán do Sur.

Tanto as leis internacionais coma as de Sudán do Sur prohiben a participación de persoas menores de 18 anos en conflitos armados, xa sexa como membro dun exército regular ou dun grupo paramilitar.UNICEF recibiu informes fiables que sinalan que hai nenos participando no conflito en Sudán do Sur. Aínda que non se pode confirmar o número exacto de nenos involucrados nos combates, UNICEF urxe a todas as partes no conflito a que non utilicen nin permitan o uso de nenos e pide a liberación inmediata de todos os nenos.UNICEF forma parte do mecanismo de Seguimento e Informes sobre nenos afectados por conflitos armados, por mandato do Consello de Seguridade de Nacións Unidas. A pesar dos obstáculos en ao acceso e a seguridade, UNICEF está a traballar cos seus aliados para asegurar que se continúe informando sobre estas violacións. "UNICEF recorda a todas as partes no conflito que teñen compromisos e obrigas baixo o dereito internacional e nacional", dixo Iyorlumun Uhaa, representante de UNICEFen Sudán do Sur. "Calquera parte que non se adhira ás leis que prohiben a participación de nenos en conflitos armados deberá render contas