Os nenos de Sudán do Sur en grave perigo ante o incremento da violencia

A axuda humanitaria está a chegar aos desprazados en Juba, pero hai dificultades para acceder ao estado de Jonglei

Os nenos de Sudán do Sur encóntranse en grave perigo ante o incremento da violencia no país, a pesar de que decenas de miles de civís se refuxiaron nos campamentos da ONU instalados para apoialos.

"Estímase que uns 81.000 civís fuxiron dos seus fogares, a maioría deles mulleres e nenos, pero cremos que a situación é tan cambiante que as cifras son aínda máis altas" dixo hoxe o Representante de UNICEF en Sudán do Sur, Iyorlumun Uhaa. "Estamos especialmente preocupados polos que se encontran nos arredores de Bor, no estado deJonglei, onde a violencia aumentou recentemente. Hai escaseza de alimentos e auga potable no campamento da ONU e a falta de instalacións de saneamento eleva o risco de contraer enfermidades. Os nenos sempre son os máis vulnerables nos conflitos, xa que pasan moitos días sen refuxio baixo a intensa calor do sol, e durmindo ao aire libre durante as frías noites" engadiu. Aínda que os intensos combates están a dificultar o acceso da axuda humanitaria destinada aos civís refuxiados no complexo daONU en Bor, as subministracións chegaron aos dous recintos da ONU en Juba, onde se estima que hai unhas 20.000 persoas refuxiadas.UNICEF e os seus aliados están a construír latrinas, 400 delas estarán listas nos próximos días, e organizáronse e formado a varios equipos de voluntarios para que limpen as grandes áreas nas que a xente tivo que defecar ao aire libre. Están a chegar máis subministracións de auga aos campamentos eUNICEF, xunto a outras axencias daONU e outras organizacións humanitarias, están a instalar tendas de campaña para que sexan usadas como refuxios, ademais de distribuír subministracións e rexistrar as familias desprazadas, o cal é especialmente importante para a reunificación dos nenos que quedaron separados dos seus pais.Aumentou a atención sanitaria de emerxencia nos campamentos e UNICEF distribuíu galletas con alto valor enerxético para proporcionar nutrientes moi necesarios para os nenos de entre seis meses e cinco anos de idade. "UNICEF e as Nacións Unidas comprometéronse a protexer os civís en Sudán do Sur, independentemente do seu grupo étnico, pero é obriga dos líderes deste país, a nación máis nova do mundo, protexer os seus cidadáns e en particular dos nenos", agregou Uhaa, quen destacou ademais que instamos a todos os líderes do país a buscar unha solución pacífica ao conflito e evitar unha maior escalada da violencia. "