Os conflitos en Oriente Medio e o Norte de África deixan 13 millóns de nenos fóra da escola
O informe 'Educación baixo o lume' analiza o impacto que a violencia está a ter nos sistemas educativos de Sirya, Iraq, Líbano, Xordania, Turquía, Iemen, Libia, Sudán e Estado de PalestinaOs crecentes conflitos e a convulsión política en Oriente Medio e o Norte de África impiden que máis de 13 millóns de nenos vaian á escola, segundo o informe Educación baixo o lume publicado hoxe por UNICEF.
O estudo está centrado no impacto da violencia nos nenos en idade
escolar e nos sistemas
educativos de nove países* que
se viron directa ou indirectamente afectados pola
violencia.
Os ataques a escolas e instalacións educativas -ás veces
deliberados- son un dos motivos fundamentais polos que os nenos non
van a clase. Só en Sirya, Iraq,
Iemen e Libia, preto de 9.000 escolas están inutilizadas porque
foron danadas, destruídas, están a ser utilizadas como refuxio para
os civís desprazados ou foron tomadas polas partes do
conflito.
Outro factor é o medo, que leva a miles de profesores a abandonar
os seus postos ou fai que os pais non manden aos seus fillos a
clase polo que lles poida acontecer de camiño ao colexio ou no
propio centro.
En Xordania, Líbano e Turquía máis de 700.000 nenos sirios non
poden ir á escola porque a infraestrutura educativa nacional está
sobrecargada e non pode asumir unha carga extra de
alumnos.
"Os nenos están a experimentar o destrutivo impacto do conflito en
toda a rexión", dixo Peter
Salama,
director rexional de UNICEF para
Oriente Medio e África do Norte. "Non" é "só o dano físico que se
fixo ás escolas, senón o desespero que sente unha xeración de
alumnos que ve as súas esperanzas e futuro
esnaquizados".
O informe destaca unha serie de iniciativas -como a autoaprendizaxe
e espazos de aprendizaxe
ampliados- que axuden aos nenos a estudar mesmo nas circunstancias
máis desesperadas. Non obstante, sostén que o financiamento que
recibe este traballo non é acorde ás crecentes necesidades, malia o
feito de que os nenos e pais atrapados no conflito identifican de
xeito contundente a educación como a súa primeira
prioridade.
Segundo o informe, merece máis apoio especialmente a
iniciativa No Lost
Generation,
lanzada en 2013 por UNICEF e
outras organizacións coas que traballa para impulsar un maior apoio
internacional ás necesidades educativas e de protección dos nenos
afectados pola crise de Sirya.
Ademais, o informe insta á comunidade internacional, os gobernos de
acollida, os responsables políticos, o sector privado e outras
organizacións a:
- Reducir o número de nenos que están fóra da escola mediante a ampliación dos servizos educativos informais, especialmente para os nenos vulnerables.
- Proporcionar máis apoio aos sistemas nacionais de educación nos países golpeados polo conflito e as comunidades de acollida, para aumentar os espazos de aprendizaxe, contratar e formar profesores e subministrar materiais educativos.
- Avogar polo recoñecemento e certificación dos servizos educativos non formais nos países afectados pola crise de Sirya.
Para descargar o informe (en inglés):
https://www.unicef.es/actualidad-documentacion/publicaciones/education-under-fire
Para acceder a vídeos e fotos:
Usuario: Refcom
Contrasinal: uce442087