A OMS e UNICEF condenan os ataques a traballadores sanitarios en Paquistán

A OMS e UNICEF súmanse ao Goberno de Paquistán e ás provincias de Sindh e Khyber Pakhtunkhwa na condena aos ataques múltiples que mataron seis traballadores sanitarios nas últimas 24 horas.  

Polo menos seis persoas que traballaban nunha campaña de vacinación contra a polio morreron por disparos en diferentes lugares de Paquistán-Gadap, Landi, Baldia pobos de Orangi da cidade de Karachi, a provincia de Sindh e Peshawar, e a provincia de Khyber Pakhtunkhwa. As persoas asasinadas eran algunhas das miles que traballan desinteresadamente para erradicar a polio en Paquistán. O Goberno de Paquistán e as provincias afectadas suspenderon temporalmente a campaña debido á preocupación pola seguridade dos traballadores sanitarios. Estes ataques privan a poboación máis vulnerable de Paquistán -especialmente nenos- de intervencións sanitarias esenciais que salvan vidas. Pedimos aos líderes das comunidades afectadas e a todos os interesados que poñan o máximo posible para protexer os traballadores sanitarios e para crear un ámbito seguro que lles permita alcanzar as necesidades dos nenos de Paquistán. A polio é unha enfermidade altamente infecciosa ocasionada por un virus que pode causar parálise permanente en cuestión dunhas horas. As vacinas seguras e efectivas protexen os nenos desta enfermidade. Actualmente, a enfermidade é endémica só en tres países: Afganistán, Nixeria e Paquistán. A OMS, UNICEF e todos os seus aliados en Paquistán e globalmente, mostran as súas condolencias máis profundas ás familias destes traballadores sanitarios. Mantemos o noso compromiso de apoiar o Goberno e a xente de Paquistán nos seus esforzos para librar o país da polio e doutras enfermidades.