A escaseza de auga agrava a miseria de millóns de persoas en Sirya
A vida dos nenos periga na busca de auga nalgunhas zonas do conflitoMentres a guerra se recrúa en Sirya e unha onda de calor sacode o país, a evidencia de que as partes en conflito están a utilizar a auga para gañar posicións militares e políticas é cada vez maior.
Nos últimos meses, cinco millóns de persoas que viven en cidades e
comunidades de todo o país sufriron as consecuencias de cortes
prolongados e, a miúdo, deliberados, na subministración de
auga.
Na cidade de Alepo,
onde os enfrontamentos paralizaron o principal depósito de auga
durante meses, UNICEF identificou
18 cortes deliberados na subministración durante este ano.
Nalgunhas comunidades, as billas estiveron cortadas durante 17 días
seguidos, e nalgunhas zonas da cidade durante un
mes.
Ao non haber acceso a auga nos fogares, os nenos son os que se
adoitan encargar de ir a buscar auga aos canos na rúa e outros
puntos de recollida. Un enxeñeiro de UNICEF conta
a historia dunha nena que estivo a facer cola durante horas para
encher dous pequenos colectores e cando o fixo se decatou demasiado
para ela de que pesaban. "A nena rompeu a chorar",
recorda.
"A auga potable é tanto unha necesidade básica como un dereito
fundamental, en Sirya e en calquera lugar,"
dixo Peter
Salama,
director rexional de UNICEF en
Oriente Medio e África do Norte. "Negar á poboación civil o acceso
á auga supón unha violación flagrante do dereito humanitario e debe
rematar".
A imprevisibilidade da contenda converte a busca de auga en algo
perigoso, mesmo mortal. Nas últimas semanas, o conflito levouse a
vida de polo menos tres nenos mentres buscaban auga
en Alepo.
Os cortes de auga tamén teñen outras consecuencias. Ás familias en
Damasco, Dera'a, Alepo eoutras zonas non lles queda outra opción que confiar nas fontes de
auga subterránea desprotexidas e sen regulación, expoñendo os nenos
a riscos de padecer diarrea, febres tifoides, hepatite e outras
enfermidades. Nas últimas semanas, os prezos da auga disparáronse
en Alepo ata
un 3.000%, nun momento no que chegar a final de mes é un reto para
as familias.
A crise da auga en Sirya agravouse xunto co conflito. A
dispoñibilidade de auga no país é aproximadamente a metade da que
había antes de que comezase a guerra en 2011. A continua violencia
e os fortes enfrontamentos causaron graves danos aos canos e ao
resto de infraestrutura da auga, e os técnicos municipais moitas
veces non poden acometer as reparacións
necesarias.
Os cortes eléctricos, tamén frecuentes, dificultan o bombeo de auga
á poboación civil. Algunhas zonas só contan cunha hora de
electricidade ao día e rexistráronse cortes de ata 4 días. A
situación é especialmente grave para os millóns de familias
desprazadas que teñen que compartir as escasas reservas de auga en
refuxios sobrecargados.
Para maior sufrimento, Sirya, como outros moitos lugares da rexión,
estase a ver afectada pola peor onda de calor nas últimas décadas.
As temperaturas en Alepo disparáronse
por enriba dos 40 graos nas últimas semanas.
UNICEF apela
ás partes en conflito
a que tomen medidas urxentes para evitar máis sufrimento á
poboación civil en Sirya:
· Deter os cortes de auga e todas as accións que interrompan a subministración pública de auga, en concordancia co dereito internacional humanitario.
· Deter todo ataque contra as instalacións de auga, plantas de
tratamento, canos e infraestruturas.
· Protexer a
seguridade dos técnicos e persoal que reparan as instalacións de
subministración de auga.
· Absterse de atacar a poboación civil nos puntos de recollida de
auga.
Nota para editores:
UNICEF calcula
que ata cinco millóns de persoas están afectadas polos cortes de
auga en Sirya que inclúen Alepo (2,3
millóns), Damasco (2,5 millóns) e Dera'a (250.000).
O apoio constante de UNICEF ao
sector da auga en Sirya comprende:
- Transporte de auga en camións para 500.000 persoas, incluíndo 400.000 en Alepo.
- Rehabilitación de 94 pozos, proporcionando auga a 470.000 persoas.
- Distribución de 300.000 litros de combustible para apoiar a subministración pública de auga en Alepo e Damasco.
- Distribución de produtos de hixiene a máis de 660.000 persoas.
UNICEF necesita aínda 40 millóns de dólares para atender as necesidades de auga e saneamento da poboación dentro de Sirya.
Para visionar unha peza sobre o acceso de auga en Alepo