A desnutrición ameaza a vida dos nenos en Sudán do Sur
Os nenos continúan nunha situación desesperada a pesar das melloras temporais na seguridade alimentariaDecenas de miles de nenos menores de cinco anos están en risco de morrer por desnutrición en Sudán do Sur, a pesar das melloras temporais na situación de seguridade alimentaria das que informou hoxe o grupo de expertos do Sistema de Clasificación Integrada de Seguridade Alimentaria (IPC polas súas siglas en inglés).
A desnutrición, especialmente entre os nenos máis pequenos, non está a reflectir as melloras en seguridade alimentaria a causa de altos índices de enfermidades, escaseza de auga potable e falta de acceso a coidados sanitarios básicos. A diarrea e outras enfermidades impiden que os nenos absorban os nutrientes, polo que, aínda que accedan a alimentos, poden seguir estando perigosamente desnutridos. Aqueles que se encontran en zonas de conflito, especialmente os 1,4 millóns de desprazados internos -máis da metade dos cales son nenos-, son os que corren máis riscos.
As taxas de desnutrición
infantil encóntranse en niveis críticos ou graves na maior parte de
Sudán do Sur. Nalgunhas zonas onde se concentra un gran número de
persoas desprazadas a causa do conflito, os índices de desnutrición
aguda nos nenos están por enriba do 30 por cento; isto é máis do
dobre do nivel que se recoñece oficialmente como de emerxencia.
Levar axuda humanitaria aos nenos con desnutrición supón un gran
reto debido á constante inseguridade e á tempada de chuvias, que
deixou case todas as estradas do país cortadas.
"Miles de nenos que
sofren desnutrición continúan en perigo porque aínda non foron
alcanzados", dixo Jonathan Veitch,
Representante de UNICEF en Sudán do
Sur. "Temos que aproveitar a próxima estación seca -e a conseguinte
melloría nas estradas- para distribuír subministracións vitais para
o tratamento dos nenos que sofren desnutrición. É fundamental que
sexamos capaces de acelerar a nosa resposta durante este período de
oportunidades".
O último informe doIPC sinala que 1,5 millóns de persoas
se encontrarán en "niveis de crise e emerxencia por inseguridade
alimentaria" de setembro a decembro, o que indica unha lixeira
melloría dende as últimas previsións, xa que os próximos meses
coinciden coa colleita. O grupo de expertos tamén recoñece o labor
da axuda humanitaria na mellora dalgunhas zonas.
O IPC advirte que os prognósticos para 2015 seguen
sendo preocupantes, con 2,5 millóns de persoas en niveis de crise e
emerxencia de xaneiro a marzo. Aínda que a previsión non chega máis
alá de marzo de 2015, os meses de escaseza en Sudán do Sur
normalmente alcanzan o seu punto máximo en maio. Os nenos, que
sempre son os que máis sofren a falta de alimentos, estarán polo
tanto en grave risco de desnutrición.
UNICEF ampliou masivamente a axuda humanitaria en resposta á crise en Sudán do Sur. En colaboración co Programa Mundial de Alimentos (PMA), UNICEFincrementou os servizos para os nenos con desnutrición a través da execución directa e de colaboracións adicionais con ONG nacionais e internacionais.
Dende abril, UNICEF proporcionou tratamento para a desnutrición
aguda grave a 55.000 nenos menores de cinco anos e prognostica que,
coa continua ampliación das súas accións, poderá chegar a 120.000 a
finais deste ano.
Unha importante estratexia para chegar ás zonas remotas son as
misións de resposta rápida que levan a cabo conxuntamenteUNICEF e o PMA. Sen estas misións hai zonas que, doutro
xeito, non terían visto chegar a axuda humanitaria dende o inicio
do conflito o pasado decembro.
Durante as súas misións
de resposta rápida, o PMA distribúe
comida, mentres que UNICEF leva a cabo
as revisións nutricionais, dá tratamento a nenos con desnutrición
aguda, proporciona servizos sanitarios básicos e inmunización,
subministra auga potable e saneamento, leva un rexistro de menores
non acompañados para reunificalos coas súas familias, e apoia
actividades educativas básicas.
UNICEF necesita urxentemente 19 millóns de euros
para poder seguir ampliando a súa resposta nutricional e adquirir
subministracións vitais durante a próxima estación seca.