Delaración de Anthony Lake, director executivo de UNICEF, sobre o aumento da violencia contra os nenos en Nixeria
As imaxes do acontecido no norte de Nixeria deben sacudir a conciencia do mundo.
Uns dous mil nenos, mulleres e anciáns inocentes foron masacrados en Baga.
Nenas e adolescentes foron enviados a morrer con bombas atadas ao
seu peito en Maiduguri.
E non
o esquezamos, máis de duascentas nenas que foron roubadas ás súas
familias, seguen sen aparecer.
Non podemos expresar só con palabras a nosa indignación nin aliviar
a agonía de todos os que sofren pola violencia constante no norte
de Nixeria.
Pero estas imaxes dos últimos días e todo o que implican para o
futuro de Nixeria deberían impulsar unha acción efectiva. Isto non
pode continuar así.
http://www.unicef.org/media/media_78424.html
Acerca de UNICEF
UNICEF promove os dereitos e o benestar de todos os nenos e nenas en todo o que facemos. Xunto aos nosos aliados, traballamos en 190 países e territorios para transformar este compromiso en accións prácticas, centrando especialmente os nosos esforzos en chegar aos nenos máis vulnerables e excluídos para o beneficio de todos os nenos, en todas as partes.