Declaración de UNICEF sobre a violencia en Sudán do Sur
UNICEF está profundamente alarmado polo rexurdimento da violencia Sudán do Sur e fai un chamamento a todas as partes a respectar os principios humanitarios e permitir o acceso sen restricións aos civís que o necesitan.
Despois de case tres anos de
guerra, os civís son os máis afectados o conflito en Sudán do Sur,
sendo as mulleres e os nenos quen enfrontan os maiores perigos e
dificultades. Mentres o país vive o seu quinto ano de
independencia, as vidas de millóns de nenos seguen estando marcadas
polo sufrimento e a axitación.
"Os nenos e as súas familias en
Sudán do Sur xa sufriron o suficiente pola violencia, o
desprazamento e as matanzas neste brutal conflito. Chegou o momento
de que a paz se converta en algo máis que un acordo sobre o papel,
e tórnese unha realidade para aqueles que son máis vulnerables",
dixo a directora rexional de UNICEF para África oriental e
meridional, Leila Pakkala.
No centro de protección de civís
de Nacións Unidas en Juba, que se vió afectado o estalido das
hostilidades na noite do 8 de xullo, UNICEF e os seus aliados
continúan ofrecendo apoio á poboación desprazada. Os equipos sobre
o terreo están a aumentar os esforzos para proporcionar acceso aos
servizos de saúde e nutrición, auga potable e saneamento tanto ás
familias que xa se atopaban na zona e como ás que se desprazaron
recentemente.
Estes feitos en Juba prodúcense
pouco despois da escalada do conflito que tivo lugar nas últimas
semanas noutras zonas do país, alterando a vida e os medios de
subsistencia das persoas. En Wau, onde os combates desprazaron polo
menos a 70.000 persoas desde finais de xuño, UNICEF e os seus
aliados están a traballar día e noite para proporcionar asistencia
aos nenos e as súas familias.
Acerca de UNICEF
UNICEF promove os dereitos e o benestar de todos os nenos e nenas en todo o que facemos. Xunto aos nosos aliados, traballamos en 190 países e territorios para transformar este compromiso en accións prácticas, centrando especialmente os nosos esforzos en chegar aos nenos máis vulnerables e excluídos para o beneficio de todos os nenos, en todas partes.