Declaración de UNICEF con motivo do Informe do Secretario Xeral sobre os nenos e o conflito armado na República Árabe Sirya

O primeiro informe do Secretario Xeral de Nacións Unidas sobre os nenos e o conflito armado na República Árabe Sirya proporciona unha arrepiante noticia da brutalidade e os abusos que os nenos sufriron durante case tres anos, e un claro recordatorio de por que este horrible conflito debe rematar.

Os nenos foron asasinados, arrestados, secuestrados, torturados, mutilados, abusados sexualmente e recrutados por grupos armados; os nenos foron utilizados como escudos humanos; as escolas e os hospitais foron atacados e usados para outros propósitos. O acceso humanitario foi bloqueado e impedido, afondando o sufrimento dos nenos e os civís. As graves violacións contra os nenos citadas no informe demandan unha resposta. UNICEF únese ao Secretario Xeral no chamamento para un final inmediato do ataque a nenos e civís inocentes, incluíndo o uso de armas que ocasionan dano indiscriminado e desproporcionado, como aquelas utilizadas nunha ondada mortal de ataques en Alepo esta semana. Nunha reunión hoxe do Comité Executivo de UNICEF, o Director Executivo de UNICEF Anthony Lakeafirmou que todos aqueles involucrados no conflito e os que teñen influencia sobre eles teñen obriga de facer todo o posible para protexer os nenos da violencia - violencia na que os nenos non poden formar parte.