Declaración de Peter Hawkins, representante de UNICEF en Iraq, sobre os nenos de Faluya
"Os nenos de Faluya seguen atrapados na cidade e arredores mentres a violencia intensifícase".UNICEF estima que polo menos 20.000 nenos permanecen dentro da cidade de Faluya, 60 quilómetros ao oeste de Bagdad. Segundo os informes, os alimentos e os medicamentos están a acabarse e a auga limpa é escasa.
UNICEF estima que polo menos
20.000 nenos permanecen dentro da cidade de Faluya, 60 quilómetros
ao oeste de Bagdad. Segundo os informes, os alimentos e os
medicamentos están a acabarse e a auga limpa é escasa.
Desde o inicio da operación
militar en Faluya, moi poucas familias puideron saír da cidade. A
maioría destas familias trasladáronse a dous campamentos mentres
outras buscaron refuxio cos seus familiares máis próximos.
Estamos preocupados pola
protección dos nenos que se enfrontan á violencia extrema, que
segue crecendo en Faluya e en todo Iraq. Os nenos enfróntanse ao
risco do recrutamento forzoso, procedementos estritos de seguridade
e á separación das súas familias.
Os nenos que son recrutados pola
forza para loitar na contenda ven a súa vida e o seu futuro en
perigo. ven forzados a levar e usar armas, loitando nunha guerra de
adultos.
UNICEF fai un chamamento a todas
as partes para protexer aos nenos que están dentro da cidade,
proporcionar un tránsito seguro a aqueles que desexan saír da
cidade e garantir unha contorna de seguridade aos civís que foxen
de Faluya".
Acerca de UNICEF
UNICEF promove os dereitos e o benestar de todos os nenos e nenas en todo o que facemos. Xunto aos nosos aliados, traballamos en 190 países e territorios para transformar este compromiso en accións prácticas, centrando especialmente os nosos esforzos en chegar aos nenos máis vulnerables e excluídos para o beneficio de todos os nenos, en todas partes.