Declaración de Anthony Lake, director executivo de UNICEF, sobre a situación dos nenos en Alepo, Siria
"Que ser humano pode ver o sufrimento aparvado de Omran Dagneesh, o neno pequeno rescatado dun edificio destruído en Alepo, Siria, e non sentir unha abafadora sensación de empatía?
Non podemos ofrecer esa mesma
empatía aos máis de 100.000 nenos que están tamén atrapados no
horror de Alepo? Todos eles están a padecer cousas que ningún neno
debería sufrir, nin sequera ver.
Pero a empatía non é suficiente.
A indignación non é suficiente. A empatía e a indignación deben ir
acompañadas da acción.
Os nenos da idade de Omran, en
Siria, non coñeceron máis que o horror desta guerra librada por
adultos. Todos debemos esixir que eses mesmos adultos poñan fin ao
pesadelo dos nenos de Alepo".
Acerca de UNICEF
UNICEF promove os dereitos e o benestar de todos os nenos e nenas en todo o que facemos. Xunto aos nosos aliados, traballamos en 190 países e territorios para transformar este compromiso en accións prácticas, centrando especialmente os nosos esforzos en chegar aos nenos máis vulnerables e excluídos para o beneficio de todos os nenos, en todas partes.