Ciclón Pam: 82.000 nenos necesitan asistencia humanitaria
Ante a grave escaseza de fondos, UNICEF fai un novo chamamento para atender á infanciaUNICEF ten só arredor do 15 por cento dos fondos que se necesitan para levar axuda vital a miles de nenos e as súas familias despois da devastación causada polo ciclón Pam en Vanuatu e outras illas do Pacífico. A organización anunciou este déficit de financiamento á vez que fixo un novo chamamento humanitario de 4,8 millóns de dólares (4,4 millóns de euros), como parte dunha petición maior por valor de 29,9 millóns de dólares (27,3 millóns de euros), lanzada hoxe por Nacións Unidas.
Ao redor de 82.000 nenos -aproximadamente dous terzos de todos os
nenos de Vanuatu-
necesitan asistencia humanitaria.
UNICEF estase
a centrar en asegurar que os nenos e as súas familias -así como as
comunidades afectadas en Tuvalu,
as Illas Salomón e Kiribati-
teñan acceso a auga potable, saneamento e hixiene, e a servizos de
saúde, incluíndo vacinas. UNICEF está
a proporcionar tratamento para a diarrea, coidados aos recén
nacidos e suplementos de nutrientes, mentres se protexe os nenos da
violencia, a explotación e o abuso.
"Os nenos, especialmente os que están en illas difíciles de
alcanzar, están en serio perigo agora", di Karen
Allen,
representante de UNICEF Pacífico.
"O acceso a auga segura continúa sendo fundamental, con case todas
as illas en Vanuatu sufrindo
graves cortes de auga, mentres que hai un risco significativo de
enfermidades debido ás inundacións, un saneamento pobre e unha
atención médica limitada,".
"Afortunadamente a preparación ante emerxencias, incluíndo os
sistemas de alarma e o uso de materiais lixeiros nas vivendas,
evitou un número maior de vítimas",
continúa Allen.
"As subministracións de axuda están a empezar a chegar á xente,
aínda que a loxística continúa sendo difícil e
cara,".
As escolas reabriron oficialmente hoxe; non obstante, o 80 por
cento delas foron danadas, 34 utilizadas como centros de evacuación
e os aloxamentos dos profesores tamén foron
destruídos. UNICEF está
a traballar para garantir que máis de 50.000 nenos afectados polo ciclón volvan
a clase o antes posible.
Ata o 23 de marzo, UNICEF recibira
uns 769.000 dólares para a resposta de emerxencia ante o
ciclón Pam.
Comprometemos 2,7 millóns de dólares na adquisición e custos de
transporte, dos que parte son fondos en préstamos que deben ser
reembolsados", di Allen.
"As subministracións vitais están a chegar, pero necesitamos
urxentemente máis fondos para chegar a máis nenos que o necesitan
desesperadamente,
especialmente en illas remotas,".
A resposta de axuda tras o ciclón Pam implica grandes retos loxísticos. Kiribati, Illas Salomón, Tuvalu e Vanuatu están formados por numerosas illas (só Vanuatu ten 83), o cal implica altos custos na obtención e distribución de subministracións.
Imaxes e videos dispoñibles para a súa descarga (por favor incluír crédito UNICEF):
Novas fotos e vídeos:
Últimas historias, incluíndo declaracións do persoal no terreo:
http://unicefeapro.blogspot.com/
Canal de YouTube de UNICEF Pacífico: https://www.youtube.com/playlist?list=PLKIZuPp2cWuWygdPD48tu039JdFfjKCdJ
Para contribuir ao traballo de UNICEF nesta emerxencia:
https://www.unicef.es/cooperacion-internacional/donar-ong/hacer-donacion/fondo-de-emergencias
Por teléfono: 902 31 41 31 (luns a venres de 9 a 22 h, sábados de 11 a 17 h.)