Chegan a Liberia 68 toneladas de subministracións de UNICEF, que amplía a súa resposta contra o ébola
Este cargamento axudará ao goberno de Liberia a reabastecer e reabrir clínicas e hospitais. UNICEF tamén traballa na prevención da enfermidade.Un avión de carga con 68 toneladas métricas de subministracións de saúde e hixiene de UNICEF aterrou en Monrovia o sábado, día 23, pola mañá, levando subministracións de necesidade urxente para combater o peor brote de ébola da historia.
Este cargamento, procedente do
almacén mundial de subministracións de UNICEF en Copenhague, contén
produtos básicos de emerxencia para os traballadores de saúde en
primeira liña para que se protexan e para evitar a propagación da
infección. O envío incluía 27 toneladas métricas de cloro
concentrado para desinfección e purificación de auga, e 450.000
pares de luvas de látex. A bordo tamén había subministracións
de produtos intravenosos, saes de rehidratación oral e alimento
terapéutico listo para usar para alimentar a pacientes en
tratamento.
O Ministro de Saúde e Benestar de Liberia e representantes de
UNICEF esperaban o avión coas subministracións que serán
distribuídos a instalacións sanitarias de todo o país, moitas das
cales teñen falta de materiais básicos de atención sanitaria.
"UNICEF foi amigo e socio de Liberia durante décadas e estivo aquí
durante algúns dos nosos días máis escuros", dixo Tolbert
Nyenswah, Ministro Asistente de Saúde e Benestar e manager
nacional da resposta ante o ébola en Liberia. "Estamos moi
agradecidos por estas subministracións, que nos axudarán para
empezar a desinfectar, reabastecer e reabrir clínicas e hospitais
para que poidan renovar a prestación de servizos esenciais de saúde
aos liberianos".
A data do venres, 20 de agosto, había máis de 1.000 casos
confirmados como sospeitosos de ébola en Liberia, con 613 mortes
vinculadas ao brote. A rápida propagación da enfermidade débese en
parte ao débil sistema de atención sanitaria do país, seriamente
danado polos anos de guerra civil.
"A atención sanitaria básica non pode ser a próxima vítima do
ébola," dixo Sheldon Yett, representante de UNICEF Liberia. "UNICEF
estivo traballando en múltiples frontes dende o inicio do brote
para proporcionar subministracións de necesidade crítica e
fortalecendo ás comunidades coa información que necesitan para
frear a propagación da enfermidade. Este cargamento complementará
eses esforzos con máis subministracións para as instalacións
sanitarias, apoiar o control da infección, e protexer aos
traballadores de saúde que están en primeira liña".
Estas subministracións foron adquiridos e entregados co apoio
do equipo de resposta ao desastre do ébola de USAID, que coordina
os esforzos do goberno de Estados Unidos para frear a expansión do
ébola.
"Enfrontámonos ao brote de ébola mais devastador da
historia", apuntou o responsable do equipo de resposta ao desastre
do ébola de USAID Tim Callaghan. "Controlar isto levará un esforzo
global coordinado. Traballamos con UNICEF durante meses para
asegurar que o equipamento médico e mensaxes esenciais chegan ás
persoas e lugares que máis o necesitan".
A próxima semana UNICEF enviará subministracións de saúde
adicionais en nome do goberno de Liberia, algo que é posible grazas
ao financiamento do Banco Mundial. UNICEF tamén axudará ao goberno
a avaliar a capacidade da cadea de subministracións do país, que
quedou debilitada por esta crise.
UNICEF xa proporcionou materiais e apoio técnico por valor de dous
millóns de dólares, incluíndo:
- subministracións sanitarias,
- equipo de protección para traballadores sanitarios,
- cloro, sprays e outros artigos de auga, saneamento e hixiene, para apoiar o control da infección,
- motocicletas e outros elementos de apoio loxístico para que os traballadores comunitarios de saúde e outros aliados poidan ir dun lado a outro.
UNICEF tamén está a enviar
equipos de comunicadores tradicionais para difundir mensaxes de
prevención ao longo de Liberia, e producindo comunicacións impresas
e programación de radio para alertar da situación.
Calquera persoa pode contribuír ao traballo de UNICEF contra o
brote ébola en África Occidental chamando ao 902 31 41 31 ou a
través deste link
###
Fotos adxuntas © UNICEF Liberia 2014:
Photo 1: Descarga das subministracións enviadas por UNICEF no aeroporto internacional Roberts de Monrovia o sábado, 23 de agosto de 2014.
Photo 2: Persoal do aeroporto inspecciona as subministracións de emerxencia antes de descargar as subministracións de emerxencia de UNICEF no aeroporto internacional Roberts de Monrovia.