ACNUR e UNICEF establecen centros "Punto Azul" para aumentar a protección de nenos e familias en tránsito por Europa
Como parte del esfuerzo conjunto para mejorar la protección del número creciente de niños y otras personas con necesidades específicas que llegan a Europa, ACNUR (Alto Comisionado de las Naciones Unidas para los Refugiados) y UNICEF (Fondo de Naciones Unidas para la Infancia) han creado unos centros especiales de apoyo para niños y familias, a lo largo de las rutas de migración más frecuentadas en Europa.
Vinte Centros de Apoio para Nenos
e Familias, que se coñecerán como "Puntos Azuis", proporcionarán,
nun mesmo lugar, un espazo seguro para os nenos e as súas familias,
servizos básicos, xogos, protección e orientación. Os centros teñen
como obxectivo apoiar ás familias en tránsito máis vulnerables,
especialmente aos numerosos nenos separados ou non acompañados en
risco de padecer enfermidades e trauma, ser vítimas de violencia,
explotación e tráfico.
Mentres que a situación segue
evolucionando, polo momento xa están en funcionamento, ou a piques
de abrir, os primeiros centros en Grecia, a Antiga República
Iugoslava de Macedonia, Serbia, Croacia e Eslovenia. Os 20 centros
estarán en funcionamento no próximos tres meses.
Os centros "Punto Azul" chegan
nun momento no que as mulleres e os nenos representan dous terzos
das persoas que chegan a Europa: en febreiro, as mulleres e nenos
conformaban case o 60% das chegadas a través do mar, mentres que en
setembro de 2015, o 27%. Os centros tamén terán por obxecto
identificar e protexer aos nenos e adolescentes que viaxen sós, e
reunilos coas súas familias cando sexa posible, atendendo sempre ao
seu interese superior.
"Estamos preocupados polo
benestar dos nenos e nenas non acompañados en tránsito e
desprotexidos en Europa, moitos dos cales tiveron que sufrir os
efectos da guerra e moitas outras dificultades ao facer estas
viaxes sós", dixo o alto comisionado adxunto de protección de
ACNUR, Volker Türk. "Estes centros terán un papel crave á hora de
identificar a estes nenos e de proporcionarlles a protección que
necesitan nunha contorna descoñecida onde poden estar en risco",
engadiu.
"As vidas dos nenos en tránsito
deron un envorco completo: enfrontáronse a perigos e sufrimentos en
todas as etapas da viaxe. Os centros ofrecerán un nivel de
previsibilidad, confianza e seguridade nas súas vidas incertas; un
lugar no que poderán recibir a axuda e o apoio que lle corresponde
como dereito a todos os nenos. Ademais, os centros contribuirán a
fortalecer os sistemas de protección infantil nacionais", sinalou
Marie-Pierre Poirier, Coordinadora Especial para a Crise de
Refuxiados e Migrantes en Europa.
A identificación dos nenos é, con
todo, un reto. Nalgúns países, os mozos que viaxan fanse pasar por
adultos para evitar demoras ou detencións durante a viaxe, o que
lles expón ao risco de ser vítimas de explotación. O ano pasado,
máis de 90.000 nenos separados ou non acompañados rexistráronse,
solicitaron asilo ou foron atendidos en Europa, principalmente en
Alemaña e Suecia.
Os Centros de Apoio para Nenos e
Familias serán facilmente identificables e proporcionarán un
conxunto básico estandarizado e coherente dos servizos ofrecidos
polas diferentes organizacións, incluíndo sociedades nacionais da
Cruz Vermella e outras ONG aliadas. Con todo, isto non substitúe a
responsabilidade e obrigación de todos os Estados para facer o que
estea nas súas mans para apoiar e protexer aos menores separados ou
non acompañados e para previr a violencia sexual e de xénero.
Os centros estarán situados en
certos lugares estratéxicos -puntos de entrada e saída ao país,
lugares de rexistro, e algúns centros urbanos estratéxicos- e
poderán localizarse a través de dispositivos móbiles.
Os servizos inclúen:
·
restaurar os vínculos familiares- servizos ofrecidos pola
Federación Internacional de Sociedades da Cruz Vermella e da Media
Lúa Vermella
·
reunificación familiar
·
espazos acolledores para a infancia e para as nais e bébelos/nenos
pequenos
·
salas privadas de orientación
·
primeiros auxilios psicosociais
·
espazos seguros para que as mulleres e os nenos durman;
·
Apoio de traballadores sociais
·
punto de información con conexión WI-FI.
Descárgate o mapa dos centros “Puntos Azuis”
Descarga de imaxes e vídeos, aquí.