27.500 nenos migrantes e refuxiados atrapados en Grecia enfróntanse a necesidades perentorias
27.500 nenos migrantes e refuxiados atrapados en Grecia enfróntanse a necesidades perentoriasCo incremento repentino de chegadas, o número de nenos refuxiados e migrantes atrapados en Grecia aumentou a 27.500. Estes nenos enfróntanse diariamente a necesidades críticas como acceso a protección e educación, segundo UNICEF.
Chegaron máis persoas no
primeiras tres semanas de agosto que en todo o mes de xullo de 2016
(1.920 en xullo; 2.289 a 24 de agosto). Este novo fluxo de persoas
chega nun momento no que Grecia está a loitar cun sistema de
benestar debilitado pola crise económica, deixando ás persoas
migrantes e refuxiadas sufrindo unha dobre crise. En total, os
nenos supoñen case o 40% da poboación actualmente atrapada nese
país.
Informes recentes sobre abusos
sexuais, violencia e abandono son un indicador das condicións de
vida inadecuadas e do enfraquecemento dos mecanismos de protección
da infancia. O desbordamento dos servizos públicos tamén agravou as
regas para os nenos migrantes e refuxiados.
"En Grecia é palpable a sensación
de que as familias refuxiadas están exclusivamente esperando:
esperando que a súa petición de asilo sexa procesada, esperando a
ter noticias dunha decisión para ser recolocados noutro lugar de
Europa, esperando escolarización e zonas de xogo para os seus
nenos, vivendas en boas condicións. Esperando, simplemente, saber
cal será o seu futuro", explicou Laurent Chapuis, coordinador para
a resposta á crise de persoas refuxiadas e migrantes de UNICEF en
Grecia.
Para os 27.500 nenos atrapados en
Grecia, esta espera é unha eternidade. Moitos deles proveñen de
países en conflito como Siria, Afganistán ou Iraq e perderon anos
de escola e agora en Grecia, novamente, enfróntanse á falta de
acceso a escolarización.
"A educación é unha das maneiras
máis poderosas de protexer aos nenos de todas as formas de
violencia", engadiu Chapuis. "Iso significa que debemos unirnos
para apoiar os esforzos do goberno para que estes nenos poidan
volver á escola en setembro".
A escolarización dos nenos é unha
prioridade esencial para UNICEF e os seus aliados en Grecia,
especialmente á luz de recentes informes de nenos en situación de
risco. UNICEF estivo impulsando a aprendizaxe e as
actividades lúdicas dos nenos refuxiados no campamento de
Skaramangas, preto de Atenas, coa ONG grega Piraeus Open School for
Immigrants, así como proporcionando 11 escolas móbiles. Os
programas educativos de UNICEF están a expandirse máis aló do Ática
a outros campamentos, co obxectivo de que cheguen, polo menos, a
5.000 nenos a finais de ano e traballar co Ministerio de Educación
para axudar a integrar a eses nenos refuxiados no sistema educativo
grego.
A cifra dos nenos atrapados en
Grecia segue aumentando. Ademais, hai polo menos 2.250 nenos non
acompañados no país e só un terzo deles permanecen en refuxios
oficiais. A pesar dos continuos esforzos do goberno e os aliados,
as necesidades de aloxamento temporal, servizos de protección da
infancia e escolarización seguen sendo perentorias.
Acerca de UNICEF
UNICEF promove os dereitos e o benestar de todos os nenos e nenas en todo o que facemos. Xunto aos nosos aliados, traballamos en 190 países e territorios para transformar este compromiso en accións prácticas, centrando especialmente os nosos esforzos en chegar aos nenos máis vulnerables e excluídos para o beneficio de todos os nenos, en todas partes.