Ébola: 5 razóns para non baixar a garda

Fai xa algúns meses que as noticias sobre o brote de ébola en África Occidental non están tan presentes nos nosos medios de comunicación.

Significa isto que o virus deixou de ser un problema? Aínda que é certo que hai motivos para a esperanza e que o ritmo de contaxio descendeu, aepidemia segue causando moito dano nospaíses afectados.

Por iso, dende UNICEF queremos destacar 5 razóns para non baixar a garda ata que o brote sexa completamenteerradicado:

1. Nestes momentos, aínda se rexistran máis de 130 novos casos por semana en África Occidental. Mentres siga habendo un só caso de ébola, a vida de millóns de persoas estará ameazada.

2. Os sistemas de saúde dos países deÁfrica Occidental están moi debilitados. Se non se volve canto antes á normalidade, os brotes de enfermidades perigosas para os nenos como a malaria ou o sarampelo serán cada vez máis comúns.

3. O ébola freou o desenvolvemento económico dos países afectados, algúns dos cales, como Liberia e Serra Leoa, trataban de recuperarse tras anos de guerra civil. É moi importante reducir o impacto da epidemia para non perder todo o gañado ata agora.

4. Case 10 millóns de nenos viven en zonas afectadas polo ébola e máis de 16.000quedaron orfos. Estes nenos necesitan apoio para superar a situación de perda e sufrimento á que se están a enfrontar.

5. Cinco millóns nenos acaban de volver ao colexio despois de meses sen poder ir a clase e hai que extremar as medidas de prevención para evitarcontaxios na 'volta ao cole'.

Estas 5 razóns demostran que o peor brote de ébola da historia segue activo. O virus levouse xa máis de10.000 vidas e os casos de contaxio de achegan aos25.000. Por iso, en UNICEF non imos descansar ata que non haxa ningún caso de ébola etodos os países afectados sexan declarados libres da enfermidade. Se podes, colabora para que o sufrimento de millóns de nenos remate canto antes.