Dous distritos de Etiopía poñen fin á mutilación xenital feminina
Os distritos de Amibara e Awash-Fentale, da rexión de Afar, no este de Etiopía, puxeron fin á práctica da mutilación xenital feminina. Para amosar o seu compromiso, emitiuse hai pouco tempo unha declaración oficial e ambas localidades celebraron unha cerimonia pública onde os dirixentes anunciaron que ían vixiar o seu cumprimento.
"Ver tantas nenas aquí que estánorgullosas de non ter sido circuncidadas é
unéxito enorme, o que se consideraría tabú hai uns
anos", afirmou Asiya Oumer, Representante da Federación de Mozos de
Afar.
"Trátase dun resultado moi importante para todos nós. O noso
obxectivo futuro é conseguir un abandono da mutilación xenital
feminina en Afar", manifestou Tabeyin Gedlu, Especialista en
Comunicación de Programas de UNICEF.
Os líderes amosan o seu compromiso nunha cerimonia
[]
Para lograr o abandono desta práctica nos dous distritos, oapoio dos líderes relixiosos e dos xefes dos clans foi
fundamental, debido á importante influencia que exercen
sobre a comunidade.
Segun un estudo realizado no 2010 pola Rohi Weddu
Pastoralist Women's Development Organization, un aliado local,
a mutilación xenital descendeu rapidamente nestas
comunidades durante a última década.
Durante a cerimonia no distrito de Amibara, o Gobernador,
Bidar Ali, declarou que a escisión non se volvería a practicar no
distrito. Moitas persoas que exerceran esa práctica tamén fixeron
públicas as súas promesas á comunidade de non exercer de novo a súa
antiga profesión.
En Awash-Fentale, nunha cerimonia semellante, un grupo de nenas
expresaron o seu orgullo de non ter sido circuncidadas.
Impacto noutras comunidades
Mohammed Asheraye, Administrador dun distrito veciño, prometeu
seguir os pasos de Amibara e Awash-Fentale e declarar o abandono da
mutilación xenital feminina no seu distrito proximamente.
A iniciativa para abandonar a ablación comezou hai
aproximadamente uns dez anos en ambos distritos. No 2008, UNICEF e
o Fondo de Poboación das Nacións Unidas (UNFPA) comezaron un
programa conxunto para brindar apoio a eses esforzos na localidade
de Semera, na mesma rexión.