Crise de Sirya: declaración conxunta das organizacións humanitarias de Nacións Unidas
Hai un ano, como responsables das organizacións das Nacións Unidas que loitan por dar resposta ao crecente custo humano da crise en Sirya, realizamos un chamamento urxente en nome das millóns de persoas cuxas vidas e futuro corrían grave perigo. " Xa abonda! ", afirmamos nese chamamento. Xa abonda.
Aquel chamamento segue aínda en boa medida sen ter resposta. En moitas zonas, a guerra intensificouse e a situación humanitaria é cada día máis grave. En canto á poboación civil, que segue sufrindo as consecuencias dos intensos combates enAlepo e na Cidade Antiga deHoms, o que lles depara o futuro podería ser aínda peor. Soamente en Alepo, como consecuencia do empeoramento dos enfrontamentos producido nas últimas semanas, hai polo menos un millón de persoas que necesitanasistencia humanitaria urxente. En diversas ocasións interrompeuse ou paralizado toda forma de tránsito pola estrada que une Damasco con Alepo, de importancia vital para a supervivencia dos seus cidadáns. Na cidade de Alepo e as zonas rurais da provincia veciña hai 1,25 millóns de persoas quecarecen de alimentos abondo. Diversas forzas e grupos armados tamén bloquearon outros camiños e rutas importantes. É moi frecuente que todas as partes en conflito impidan o acceso humanitario aos necesitados. Os bombardeos aéreos, os ataques con foguetes e morteiros e outras agresións indiscriminadas provocan un gran número de mortes de nenos, mulleres e homes inocentes. Segundo algúns informes, enAlepo, que ten 2,5 millóns de habitantes e onde algunha vez houbo máis de 2.000 doutores, hoxe só quedan uns 40. Ademais nesa cidade, que se encontra completamente rodeada, xa escasean as subministracións médicas. A nivel nacional, as consecuencias do conflito en Sirya, que entrou no seu cuarto ano, afectan as vidas de máis de9,3 millóns de persoas. Debido a que unha terceira parte das plantas de tratamento de auga do país deixaron de funcionar, que un 60% dos centros de saúde de Sirya están destruídos e que uns3,5 millóns de persoas viven en zonas asediadas ou en lugares aos que non pode chegar a asistencia humanitaria, a supervivencia dos civís inocentes de Sirya débese exclusivamente á súa valentía.
As nosas organizacións humanitarias, en estreita colaboración coas organizacións no nacionais e internacionais, fan todo o que poden para salvar vidas e aliviar o sufrimento. Os nosos colegas no terreocumpren a súa misión con grandes sacrificios, a pesar dos graves perigos que corren. E non obstante, cónstanos queo que podemos facer non é de ningún xeito suficiente.Para facer máis do que estamos a facer, para alcanzar e axudar máis persoas, é necesario que tamén fagan máis os que están envolvidos neste terrible conflito, así como que poden exercer influencia sobre eles. Hoxe convocamos a todas as partes involucradasneste conflito brutal a que dean con carácter urxente os pasos necesarios para:
- Posibilitar o acceso humanitario incondicional a todos os cidadáns que requiran axuda, tanto a través das liñas divisorias internas de Sirya coma a través das súas fronteiras.
- Levantar o asedio ás poboacións civísimposto por todas as partes en conflito, como o que hoxe illa a algunhas zonas de Alepo, a Cidade Antiga de Homs, Yarmouk, Ghouta Oriental, Moadhamieh,Nubl e Zahra.
- Poñer fin aos bombardeos indiscriminados por aire e terra contra a poboación civil por parte das forzas do Goberno e dos grupos da oposición, así como as demais violacións do dereito humanitario internacional.
Ata a data, todos os esforzos diplomáticos orientados a poñer fin a anos de sufrimento acabaron fracasando. O que non fracasou é a valentía e as ganas de sobrevivir da extraordinaria poboación civil de Sirya. Serán capaces de demostrar esa mesma valentía e esa mesma vontade os que teñen a responsabilidade, a influencia e o poder necesarios pararematar esta guerra tráxica e terrible?Se os civís sirios non se renderon, como pode renderse o mundo no seu intento de salvalos a eles e a toda Sirya?Valerie AmosSecretaria Xeral Adxunta de Asuntos Humanitarios e Coordinadora do Socorro de EmerxenciaAnthony LakeDirector Executivo de UNICEFAntónio GuterresAlto Comisionado das Nacións Unidas para os RefuxiadosErtharin CousinDirectora Executiva do Programa Mundial de AlimentosDr. Margaret ChanDirectora Xeral da Organización Mundial da Saúde