Axuda refuxiados: miles de nenos están atrapados nas fronteiras europeas

A situación é especialmente grave no paso entre Grecia e a antiga República Iugoslava de Macedonia, onde se pechou a fronteira para todos os refuxiados menos os procedentes deSiria.

 

Neste contexto de caos e confusión, os nenos víronse obrigados a durmir á intemperie en condicións precarias durante máis dunha semana, sen acceso a servizos básicos como unhaducha ou alimentación adecuada. As familias corren risco de separarse e moitos nenos pasan horas en trens sen ningún destino.

 

"Aquí estou a ser testemuña de como nenos pequenos, menores de cinco anos, quedanatrapados entre dous valos", dixo Jesper Jensen, coordinador de emerxencias no terreo para UNICEF en Gevgelija, na antiga República Iugoslava de Macedonia. "Non poden avanzar nin retroceder. Necesitan refuxio e descanso, e necesitan saber que futuro lles espera".

 

Ante esta grave situación, en UNICEF ampliamos a nosa resposta. Facilitamos o acceso a instalacións de auga e saneamento, especialmente para os bebés e os nenos. Tamén distribuímosartigos de hixiene persoal ealimentos para axudar aos nenos e as súas familias para facer fronte á difícil situación.

 

Desde UNICEF reiteramos o noso chamamento para levar a cabo un traballo conxuntoe coordinado por parte de todos os gobernos, tanto nas principaisrutas de tránsito como nos países de destino.

 

Ningún neno debería pasar a noitesen acubillo e acceso a servizos básicos.