Henry e Pablo: irmáns de sentimentos
Esta é a evidencia de que os nenos miran o mundo con outros ollos.
Pablo é un bebé dun ano. Como todos os bebés, mostran pouco interese pola cousas, cambia de actividade constantemente, captar a súa atención é difícil e como todos sabedes as súas prioridades son xogar, comer e durmir.
O sorprendente de Pablo é que dende os tres meses de idade, cando lle daba o biberón e escoitaba a sintonía do anuncio de UNICEF, el paraba de comer e volvía a cabeza para identificar de onde viñan o tenue choro doutro neno. Pasaron os meses e seguíao facendo, só exclusivamente con ese anuncio. Créano, nin outros anuncios de bebés, nin debuxos animados.
Seguiu pasando o tempo e se estaba a xogar cos seus xoguetes e escoitaba a sintonía quedaba hipnotizado mirando ao televisor. Vía o anuncio de principio a fin. Mesmo pasaban uns segundos unha vez rematado o anuncio como reflexionando mirando ao televisor, e despois nos miraba como intentando dicirnos algo, a súa nai e eu quedabamos perplexos.
O sorprendente de todo é que agora que xa anda que ten mais autonomía, se escoita a sintonía do anuncio e a Henry chorar, aínda que estea noutro cuarto sae correndo cos seus torpes andares e non para ata se cravar diante da tele. Escoita en silencio todo o anuncio como sempre pero agora cando remata parece que está a falalo a Henrio. Xa non nos mira a nós, agora fálalle a el.
COMPARTIR o AMOR COS MENOS FAVORECIDOS
Así que, despois de ver todo este ano os sentimentos que espertaba en Pablo a historia de Henry, queremos dicirvos que Pablo nos deu a súa primeira lección de vida. Os nenos teñen sentimentos máis puros, máis básicos e por iso el dende bebé captou a necesidade que teñen outros nenos de ser axudados.
Así que hoxe temos decido facer socio a Pablo de UNICEF para que el comparta cos menos favorecidos o amor que nós o temos.
Queremos transmitirvos tamén a nosa admiración polo labor que realiza UNICEF no mundo cos seres máis indefensos e agradecidos que hai: os nenos.
Moitas grazas de parte de Pablo, de Raquel e Javi!
Post de Javier Martínez Zafra, pai dun dos socios máis novos de UNICEF Comité español