Emerxencias 2016: non podemos manter a calma
Propómoste un momento de calma. Respira fondo. Imaxínache nun lugar moi relaxante para ti: unha praia deserta, unha gran pradaría verde, unha tarde chuviosa de verán... Esquéceche de todo e tómache un respiro.
EMERxENCIAS 2016: COñeCE OS PEORES CONFLITOS PARA OS NenOS
Nenos e nenas que teñenfrío, fame, medo... Nenos e nenas que non entenden nada nin teñen a culpa de nada do que lles está pasando. Son moitos os puntos do planeta nos que os nenos viven nesta situación. Estes son só algúns dos casos máis graves:
- Siria vive a maior crise humanitaria do momento. Case 5 anos despois do comezo da guerra, uns 13,5 millóns de persoas necesitan axuda urxente dentro do país. Máis de 4 millóns de persoas víronse obrigadas a deixalo todo e fuxir a outros países.
- A crise de refuxiados en Europapreocúpanos especialmente polo incesante aumento de nenos entre quen chegan ao continente fuxindo da violencia de países como Siria, Iraq ou Afganistán.
- En Sudán do Sur, onde se vive un grave conflito desde hai máis de 2 anos, toda unha xeración de nenos podería perder o seu futuro. Uns 2,3 millóns de persoas fuxiron das súas casas pola inseguridade e a violencia.
- En República Centroafricana, país tamén arrasado pola guerra, hai máis de 1,2 millóns de persoas que sofren unha grave inseguridade alimentaria. En UNICEF calculamos que 39.000 nenos poderían padecer desnutrición aguda grave.
- En Iemen, os constantes enfrontamentos provocaron que máis de 21,2 millóns de persoas (o 80% da poboación total) necesiten axuda humanitaria urxente. Entre elas atópanse 9,9 millóns de nenos.
Estes e outros datos arrepiantes podédelos atopar no informe Acción Humanitaria para a Infancia 2016, que sinala cales son as principais emerxencias deste ano e cales son as necesidades de financiamento.