Consulta médica baixo unha árbore
Por Diana Valcárcel Silvela, Coordinadora de Proxectos de Comunicación de UNICEF España
Post publicado en África non é un país
"Vacinas, vacinas," dicía polo megáfono Simão Obadias, xefe dunha das brigadas móbiles de saúde da provincia de Gaza, en Mozambique. A mensaxe de Simão era como a voz que clama no deserto. Naquela aldea remota de Mozambique só había árbores, un par de palhotas (construción típica da zona rural de Mozambique) e un campesiño que se divisaba ao lonxe polo camiño. Poucos sinais máis de vida.
As brigadas móbiles están organizadas polo Ministerio de Saúde co apoio de UNICEF para atender as necesidades básicas da poboación que vive lonxe dos hospitais e postos de saúde. Visitan as comunidades unha vez ao mes e os veciños están avisados para ir ese día. Non debía ser o caso hoxe. Achégome ao grupo a preguntar pois despois de varias chamadas deSimão non chega ninguén. "Houbo un pouco de confusão", comentan. Despois dun par de chamadas de teléfono parece que as cousas se van arranxando.
Chegamos ata aquí dendeXai-Xai, a capital daprovincia de Gaza nunha ambulancia do Ministerio
de Saúde e un coche de UNICEF. Ademais
de Simão, que coordina e é axente de
medicina preventiva, o equipo da brigada está composto por unha
enfermeira de saúde materno-infantil, un
practicante e un técnico de medicina. Na ambulancia meteron o
material necesario nun par de caixas de cartón e as vacinas nunha
pequena neveira azul.
Parece que todo se empeza
a poñer en marcha. O equipo da brigada saca as caixas da
ambulancia. Unha das enfermeiras colga o peso na rama dunha árbore.
E coma se se tratase dunha película en fast forwardempezaron a aparecer mulleres e nenos, máis mulleres e máis nenos.
Dúas veciñas trouxeron unha mesa e dúas cadeiras de plástico e
colocáronas baixo a sombra dunha mangueira, a árbore do mango. Xa temos consulta
médica.
Observo a pequena neveira
porque nesta viaxe coñecemos o percorrido que fan ata a coxa ou a
boca dos bebés. Dende Zimpeto, o
almacén central do país distribúense aos almacéns das capitais das
once provincias. De aí ao hospital central da cidade que prové aos
centros de saúde. Neste caso, para chegar ata Chivandlene, paramos no centro de saúde máis
próximo, o de Olombe, a recoller a
neveira azul coas doses necesarias para aquel día.