Haurren Laguna den Ospitale bati bisitaldia Dominikar Errepublikan
Javier Cantero-k, UNICEF Espainiako Teknologia Berrien eta Antolakuntza Garapenaren Zuzendaria
Gaur San Pedro de Macori-n Antonio Musa Eskualdeko Ospitaleari bisita egin diogu. Bertan Haurren eta Amen Lagunak diren Ospitaleak UNICEFen programa jarri da abian. Proiektuak jaioberrien sepsia murriztu nahi du eta jaiotzeen erregistroa egin nahi du.
Ospitalea nolakoa den ideia bat egin dezazuen, hauek dira zenbateko esanguratsuenak: 200 ohe, 250 sendagile, 200 erizain, 30 ospitaleratu egunero, batez beste 5 egun egon ohi direnak, 2 hildako 100 ospitaleratu bakoitzeko, jaiotzen diren jaioberrien % 10ak desnutrizioa du eta egunean 300 larrialdi inguru artatzen dituzte.
Berriki, oinarrizko neurri batzuk sartu dituzte. Horien artean,
hauek azpimarratuko nituzke: banakako erditzeko aretoak
sortzea eta esterilizatutako eremuetan. Horrela, ordezkatu
ahal izan dira lehengo erditzeko espazio erraldoiak, ia aldagelak,
gutxieneko asepsia neurririk gabekoak, aldi berean erditzen zuten
emakume askorekin. Neurriarekin asko murriztu da
hilkortasuna, bai amena, bai jaioberriena.
Ospitaleak amak bularra ematea ere sustatzen du,
laktantzia artifizialaren aldean, horrek dakartzan onura
izugarriengatik ez ezik, Dominikar Errepublikaren kasuan, eta
pobreziaren ondorioz, gomendatutako dosiak errespetatzen ez
direlako, produktua gehiegi disolbatzen duen dosiaren
proportzioetan eta zalantzazko higiene baldintzetan egiten
delako.
Denetan motibagarriena da ikustea ospitale honetako medikuak
egunero ahalegintzen direla beste ospitale batzuetako profesionalak
prestatzen, osasun praxi okerrak kentzekooinarrizko zereginetan; adibidez, eremu kirurgikoetan sartu baino
lehen eskuak garbitzea, esterilizatutako materiala, erabili eta
botatzeko eskularruak erabiltzea, erditzeko geletara sarrera
mugatzea, etab. Guretzat oinarrizkoak eta ezdeusak iruditu
dezaketen neurriak, baina hemen ez dira hala, ezta osasun
profesionalen beren artean ere.
Bisita hauen ondoren, gero eta ziurrago nago mundua aldatzen
lagundu behar dugula, eta batez ere, ziur nago lortu dezakegula.
Gurekin bat egin nahi duzu?